معلومات عن ال CIA و ال Glomar response

بسم الله الرحمن الرحيم💖

أول مقال لمدونتنا مفارقات مصريه _ Egyptian Paradoxes💕

CIA أو وكاله الاستخبارات الأمريكيه  أكبر جهاز استخباري بالعالم ومخترع ال Glomar response وستنتناول في هذا المقال ماهو ال Glomar response وكيفيه نشأته وسبب نشأته.

• نص ال Glomar response

'' We can neither confirm nor deny existence of th information requested but,hypothetically,if such data were to exist,it would be classified and could not be disclosed

''لايمكننا تأكيد أو نفي وجود المعلومات المطلوبة ،

ولكن علي سبيل الأفتراض إذا كان لهذه المعلومات وجود

فهي سريه ولايمكن الكشف عنها ".

• كيف نشاء ال Glomar response ؟!!

عشان نجاوب علي السؤال ده محتاجين نرجع سنه 1966 في امريكا لما وقع الرئيس

lyndon B. Johnson  علي⇘

*Freedom of information Act ---قانون حريه الكشف عن المعلومات 

وينص هذا القانون علي اعطاء حريه لكل مواطن امريكي في مسائله اي جهه حكوميه لمعرفه اي يشئ يريده في مجال عمل تلك المنظمه او الجهه ويلزم هذا القانون تلك الجهه بالرد علي المواطن واجابته بما يريد معرفته من واقع سجلاتهم.

-ومن هنا بقي واجب علي كل الجهات الحكوميه الأمريكيه انها تلتزم بالقانون ده 

بعد كده تدخل امريكا مع روسيا في الحرب  البرده وفي سنه 1968 أختفت سفينه 

USS Pueblo AGER-2  في بحر اليابان والي بالمناسبه كانت سفينه جاسوسيه تابعه لل CIA والي كانو بيقولو انها سفينه ابحاث بيئيه وكانت في الاول سفينه بضائع تبع الجيش الأمريكي

وطبعا عشان الظروف الي كانت موجوده في الوقت دا شكت أمريكا في روسيا انها الي عملت كده مع ان الامريكان لو كانو دورو كويس ورا الي عمل كدا كانو عرفو ان كوريا الشماليه هي الي هجمت علي السفينه وأستولت عليها المهم تقرر ال CIA لازم ترد علي روسيا ويشاء القدر أن في نفس السنه الي هي 1968 وتحديدا في شهر مارس 

تختفي الغواصه السوفيتيه K-129 في المحيط الهادي وطبعا متعلنش ال CIA عن مسئوليتها  

لكن المشكله الكبيره المره دي ان الغواصه كان عليها قنابل نوويه سوفيتيه و ال Cod Box السوفيتي او نظام التشفير السوفيتي وفضل الاتحاد السوفيتي يدور علي الغواصه لكن عكس المتوقع ملقوهاش وبعدين شوف الصدفه يامؤمن الأمريكان  يلاقو الغواصه علي عمق 3 ميل تحت المحيط فقررو يحاولو يطلعوها ودا عن طريق مركب عملاقه ركبو فيها مخلب ضخم عشان يطلع الغواصه من قاع المحيط وسمو العمليه دي 

Project Azorian والي سمها الاعلام الامريكي بعد كده جينيفير علي اسم القسم الي نفذ العمليه دي

ولكن العمليه دي كانت معقده جدا ومكلفه جدا بتكلف وصلت ل 800 مليون دولار يعني حوالي 4.5 مليار دولار دلوقتي ودي من اكتر العمليات الاستخبارتيه المكلفه في التاريخ دي ميزانيه دول ياااناس😂 ارقام خياليه المهم كان الرئيس الأمريكي الوقت دا Richard Nixon ادا ال CIA موافقته وبدأ الشغل في المشروع وعشان السوفيت ميخدوش بالهم ال CIA أتفقو مع الملياردير الأمريكي Howard Hughes  صاحب شركه Global Marines وخلي بالك من الاسمين دول كويس اوي عشان هنرجعلهم تاني

 واتفقو معاه انو هيتظاهر ان السفينه دي بتاعتو وانو بقي عندو اهتمام بأستخراج المنجنيز من قاع المحيط وعامل المركب دي لكده واتعملت السفينه واتسمت

 Recovery Vessel من سنه 1968 لسنه 1974 6 سنين بيبنو فيه المهم في شهر يوليو 1974 ابتدوا يحاولو يطلعو الغواصه ولكن المشكله هنا ان العمليه ممشيتش ذي مكانو عايزين لأن الغواصه مطلعتش كلها لا دا طلع جزء منها بس والباقي فضل في البحر دا حسب كلام ال CIA وقررو يكتمو علي الموضوع ولكن بعد فتره الموضع اتعرف وابتدت الصحافه تخاطب ال CIA عشان يعرفو تفاضيل عن الموضوع وكان لازم ال CIA ترد عليها وفقا لقانون

Freedom of information Act ---قانون حريه الكشف عن المعلومات عرفت احنا اتكلمنا عليه ليه في الأول وهنا ظهر ال Glomar response و بالمنسبه اسم Glomar دا جي من شركه الملياردير Howard Hughes شركه Global Marines خدو أول حرفين من Global و أول حرفين من Marines وطلعولنا بمسمي ال Glomar دا الله علي الأبداع 😂 طبعا الصحافه والناس رفعو علي ال CIA قضايا لكن خسروها ومن هنا ابتدت هيائات حكوميه كتير تستخدم ال Glomar response عشان يتهربوا من الاجابه علي اي سؤال .

والظريف في الموضوع ان من حوالي 6 سنين ال CIA عملت حساب علي تويتر واول تويته ليها كانت ال Glomar response وكتبو⇘

We can neither confirm nor deny that this our first tweet

'لايمكننا تأكيد أو نفي أن هذه أول تغريده لنا

وأحنا قررنا نعمل زيهم So

We can neither confirm nor deny that this our first article

😂😂😂😂😂😂😂😂😂😂😂😂😂😂

لو عجبك الموضوع متنساش تشترك في المدونه عشان يوصلك مقالتنا المتنوعه وتابعنا علي Facebook , twitter , instagram وادخل علي صفحه من نحن عشان تعرف أكتر عن المدونه وقولنا رأيك في التعليقات ⇓, شكرا💖.